كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )



سمعت خبر من شوية في برنامج الطبعة الاولي

لكن مش لاقياله اي اثر ع النت

الخبر هو ان حكومة احمد نظيف خلاص ع كدا فنشت :D

بس احتمال يكون رئيس الوزراء الجديد احمد المغربي وزير الاسكان !!

مش عارفة ايه سمعة الراجل دا؟

بس لحد ما نتأكد من الخبر ايه رائيكو ؟؟
 
ووجه رساله لكل من رئيس الوزراء احمد نظيف .. ورئيس الوزراء الجديد أيا كان هو !!

15 CoMeNTaToOoOoZ:

sony2000 يقول...

هههههههههههههههه
والله علي رايك
كل واحد قاعد شويه وماشي
ومفيش حاجه بتحصل صح
ربنا يهدي:)

мαησηα يقول...

امممممممممم .. والله يا ريمو الواحد حتى لو عرف سمعة الراجل الجديد ده بردو بيتبدل يا اوختى اول مايمسك الوزارة كانه بتلمسه لعنة مثلا

ما احمد نظيف كان راجل زى الفل طول ماهو ماسك وزراة الاتصالات بعد كده اختلف

ربنا يرزقن بحكام صالحين يارب ويرحمنا برحمته

اما بخصوص الرسالة اللى اوجها لايهما فهى اتقى الله فينا وف نفسك
لانك هتتحاسب علينا يوم الدين

واعتبر من اللى سبقوك

ف انتظار التاكيد على الخبرين يا ريمو ميرسى ليكى ياقمر
دايما توافينا باهم الاخبار

أع ـقل مـ ج ـنـونــة يقول...

ربنا يستر يا سوني يا اوختي

الناس دول تعبونا وخنقونا

ربنا يرحمنا بأة :( :(

سمع هوص (Abo 3li) يقول...

مش عارف ليه مش قادر اصدق...
اصل نظيف بقي عامل زي بقعة الزيت مبتطلعش ولا باريل ولا برسيل...

بس اهو حرامي راح.. وحرامي جاي... ومات الملك عاش الملك

أع ـقل مـ ج ـنـونــة يقول...

منونة ياحوبي

مش عارفة الناس دي مالها

مبقاش في اتقاء لله ؟

فينك ياعمر :"(

" ابن الخطاب وابن عبد العزيز "

نورتيني ياحبيبتي

أع ـقل مـ ج ـنـونــة يقول...

هههههههه

والله يا ابو علي تعليقك سكر بجد :D

عندك حق هو هامل زي بقعة الغسيل

اللى ليه حل واحد :d

يتدلق عليه شوية جاز محترمين لو منضفش يبقي يتحرق :D

نورتني ^_^

ستيتة يقول...

بذمتك هو يعني نظيف رئيس وزرا لما أدور ع المغربي ها يبقى لونه ايه؟
كلهم لونهم ابيض يا ورد
قلوبهم بيضااااااااااااااااا

بس خلاص على رأي شعبولا العزيز

أع ـقل مـ ج ـنـونــة يقول...

سيادة الباشمهندزة الداكتوريه ستيتة حسبو الحمش عندنا
أخيرا نورتي مدونتي المتواضعة بزيارتك :D

نورتيني أولا ويارب دايما اشوفك منوراني

ومش عارفة اقول ايه بعد كلامك يا اوختي ^_^

هاقتبس مقولة شعبولا العزيز واقول انا كمان بس خلاص <_<

Lady E يقول...

والله يا أختي مبقتش تفرق سينا من سونيا

المهم اعمال القديم ايه وأعمال الجديد ايه

مدونة عرفة فاروق يقول...

السلام عليكم

عايزة تقنعينى ان النضيف هيسيب تركته

علشان بن الليل التانى ده

مستحيل طبعا

beautiful mind يقول...

لو الكلام بجد يعني
هقول لنظيف : مبروك ياباشا نضفت ع البلد وكل شىء تمام ورجعت حالتنا زي الصيني بعد غسيله
واقول للجديد ايا كان : يلا الحق ظبط الكلام لنفسك وعيلتك ومعارفك مهو مولد وصاحبه غايب
احنا مش عايزين نغير اشخاص
احنا عايزين نغير فكر ومنهج
بلاش تخلف بقي

new-one يقول...

ما اسخم من سيدى الا ستى:))

غير معرف يقول...

متهيألي مش هاتفرق كتير

كل واحد بيجي ياخد دوره ويمشي

ويبقي الوضع كما هو عليه ( في أحسن الحالات )

:)

gemy يقول...

معتقدش ان الخبر صحيح يا ريمو بس اديني مستني لغاية ما اتاكد ... بس مالها كل الكومنتات هنا كده مطلعه الحومه بايظه اوووي والدنيا سودا اوي كده ليه يا جدعاان حكومتنا مهما كان ليها سقطاات فهي اكييد ليها انجازات بس للاسف اللي يذكر السقطاات مش الانجازات

أع ـقل مـ ج ـنـونــة يقول...

ليدي .. عزة .. بيتويفول مايند .. نيو ون .. سمو الامير .. جيمي

بجد نورتو وسوري اني اتأخرت علي الرد علي كومنتاتكو لظروف

ميرسي اوي للناس اللى اول مرة تنورني وتشرفني

ياجماعة الخبر غير مؤكد

احمد المسلماني قاله ف برنامج الطبعة الاولي

تاني يوم قال احمد نظيف يرد علي شائعات اقالته باقامة مشروعات صحية

وسكتم بكتم علي كدا :d

ف الله أعلم هيقال فعلا ولا لاء

وعلي اي حال ربنا يهدي الجميع

وانا معاك ياجيمي ان الحكومة ليها انجازات

بس للاسف بلاويها اكتر من انجازاتها ودي المشكلة :@

نورتوني اوي ياجماعة

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات