Blog Archive

كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )



من غير عنوان

http://blogs-static.maktoob.com/userFiles/a/l/al-snoor/images/questns.gif
اكيد السبب اني ملقتش عنوان اقوله

اصلي من فترة كنت بتفرج علي احدي القنوات الفضائية

اللى كان معروض فيها فيلم
.. سوري او لبناني علي ما اعتقد ..

قصة الفيلم مكنتش عارفاها ولا فهماها ولا قادرة اوصلها

بس كنت مصممة اتفرج عليه


ليه ؟؟

عشان لاقيت حاجات كتيرة موجودة في مصر واللي المفروض انها سلبيات ..!!

عشان سمعت في فترة من فترات عمري ان مصر البلد الوحيدة اللى فيها وفيها وفيها ..!!


هاقول مثلا شوفت ايه ؟؟!


شوفت البنية الامورة اللي بيطلق عليها هنا مصطلح مزة .. راكبة العربية ومش حاطة حزام الامان .. وقابلها الشرطي اللى كان بيكلمها وهو ولهان من كتر جمالها ..

ادتله اللى فيه النصيب وسابته ومشيت


دا طبعا عشان متاخدش مخالفة



شوفت نفس ذات البنية اللى جريت بعربيتها وهي مستعجلة لان عندها معاد مع حبيبها " تحت الكوبري " ..

اكيد مفهوم تحت الكوبري بيحصل ايه في مصر ..!

علي حسب سمعي وفهمي يعني زي ما انتو بتفهمو وتسمعو " منعا للفهم الخاطئ :D "



شوفت الشحاتين والمجانين في الشوارع ..!!



شوفت الزباله ع الرصيف



مع الاعتراف ان نحن نختلف عن الاخرون في النقطة دي لان الزبالة عندنا اكتر واشمل واعم :D


كفاية كدا ..


اصلي مش فاكرة حاجة تانية

هما ربع او تلت او حتي نص ساعة اتفرجت فيهم ع الفيلم ولاقيت كل دول فيه

استغربت يعني ليه بيتقال ان مصر بس اللى فيها البلاوي دي كلها ؟؟

رشوة وفساد وانحلال وزباله وتسول ..!!



كمـان بالصدفة من يومين .. وانا بقلب في الفيس بوك

لاقيت فيديو من مجلس الشعب المغربي .. والنائب المتعصب اللى بيتكلم وهو محروق علي حال الشعب ..

والزبالة .. والتعليم .. والفقراء .. و و و و



ايه دا ..!!

دا مش مصر بس اهو كمان ..؟؟




افتكرت كمان من فترة وانا بتفرج علي البيت بيتك

وجه اتصال كدا من حد عربي .. مذكرش جنسيته ..

قال
: احنا عندنا كل الفساد اللى بيحصل عندكو .. بس الفرق بينا وبينكو اننا بنداري علي نفسنا .. وبنحاول نصلح



احنا لا بنداري .. ولا بنصلح

ولا حتي بيعجبنا حرية الرأى .. ولا هايعجبنا الكبت والرقابة علي كل كلمة بنقولها


ملخص كلامي ..


بلاش نبص لمصر علي انها فيها سلبيات الدنيا ..

لان كل بلد وفيها سلبياتها

حتي امريكا ذات نفسها .. اكيد اكيد اكيد فيها سلبيات



اقولكو ..


بلاش نبص للسلبيات اصلا

وتعالو نمشي بمبدأ بيمشي بيه الغرب .. مع ان ديننا وصانا بيه قبلهم


< لا يغير الله ما بقوم حتي يغيروا ما بأنفسهم >



وهاكمل كلام عن التغيير في مرة تانية

اصل ورايا حاجات اعملها


فوتكو بعافية ^_^

6 CoMeNTaToOoOoZ:

عايشه لنفسي يقول...

والله كلام جميل عندك حق
اناكمان رافضه موضوع نعد السلبيات من غير منصلح حاجه عارفه زمان قبل مايبقي الناس عندها دش ومبتشفش اى برامج توك شو زى واحد من الناس ولا بتشوف افلام زى حين مسخرة كانت نفسيتها احسن بكتير ممكن تكون حالتها الماديه مش كويسه بس في رضا
علي ايه مش عارفه
والنبي ياحكومه لتحلوا السلبيات دى يامتقولوش لينا عليها سبونا عايشين في ألس في بلاد العجائب راضيين

أع ـقل مـ ج ـنـونــة يقول...

ههههههههههههه
اتمني ذلك

:d

ربنا يكون في عون الحكومة

هتعمل ايه ولا ايه ولا ايه

Muhammed Awad يقول...

الحكومة المصرية حكومة فاسدة عندما يكون هناك ازمة العيش وتاتى القوات المسلحة لحل هذه المشكلة فى وجود 31 وزير يبقى الحكومة دى فاشلة ولازم تتغير وبخصوص السلبيات اضرب مصر تضمن انهيار العرب مصر رمز العروبة وبالتالى اعداءها كتير من الداخل والخارج وبالتالى مش هيفرق معاهم كتير نسىء ليها ولا لاء ويوجد هناك بلاد كتيييييير فيها فساد اكتر من مصر ولا احد يعلم عنها

أع ـقل مـ ج ـنـونــة يقول...

نأمل في تغيير الحكومة دي

السؤال اللي بيطرح نفسه ؟

مش مبارك ساب مهامه لنظيف

ليه نظيف مظهرش في الصورة بتاتا الباتة ؟

Muhammed Awad يقول...

لان نظيف لن يظهر وانتقال السلطة ماهو الا اجراء شكلى فقط حسب الدستور فقط

Sam Sh يقول...

البلاد العربية كلها بلاوي
أنا عارف طبعا إن كل دول العالم بلا إستثناء فيها بلاوي .. لكن الدول العربية فيها بلاوي بالعبيط ... خصوصا لما تكون الحكومات فاسدة و الشعب نايم في البطيخ
الخلاصة : الشعوب العربية تم تدجينها منذ عقود بشكل منهجي من الحكام و الحكومات المتعاقبة و الشعب إستسهل الأنتخة و رمي كل المصايب على الحكومة .. طب لما إنت شايف إن الحكومة زي الزفت كده متحركتش ليه ؟؟؟ يقولك : يا عم و أنا مالي .. هو أنا اللي هصلح الكون

نهايته ... أنا قلت اللي في بالي و أنا عارف إن مفيش حاجة هتتغير ...

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات