كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )

دايما كدا بنفرح لما .. نلاقينا كدا جاين لمة
رافعين علمها لفــوق

واهــي هي دي مصريتنا .. واهي هي دي مصر عليتنا
وادي شوق مقابــل شــوق



دا كوبليه من اغنية بنت مصر ..

اغنية ضمن الاغاني اللى بتتكلم عن حب مصر اللى بحبها جدا

واللى تقريبا مبقتش اسمع غير النوع دا من الاغاني + فيروز

الموهيم

كنت بعمل شاي انهاردة وواقفة في المطبخ وبدندن بالاغنية دي

وفجأة .. استوبيت

ايه دا

مش هنفرح تاني ولا ايه ؟؟

انا كنت عايشة في جو تحفة بجد من الفرحة وحب بلدي

اي نعم انا بحبك يامصر من زمان .. مش ماتشات الكورة هي اللى خلتني احبك

اي نعم جايز خلتني اقول بحبك يامصر من غير كسوف

آه زمان كنت بتكسف اقول بحبك يابلدي !!!

لاني لما كنت بقولها كنت بلاقي ميت مهاجم عليا

دلوقتي بقولها واللى مش عاجبه بقي ... تيت ...

http://www.ismailiamall.com/im/files/egypt-flag.jpg

المهم نرجع لمرجوعنا ..

حالة الحب الوطني اللى متأكدة ان مش انا لوحدي اللى عشتها .. اغلبية الـ 80 مليون مصري عاشوها

حالة حب وطني مصري .. كلنا بلا استثناء كنا محتاجينها ..

حالة حب وطني مصري .. كلنا حلمنا بيها وادي الحلم اتحقق

بس خلاص الحلم خلــص .. وصحينا ..

لسة هنستني سنتين علي ما يتكرر الحلم دا تانى؟؟

ليه منفضلش دايما في حالة الحب دي ؟؟

ولا زي ما تـاسو بتقول كدا .. بكرة الاهلي والزمالك يلعبو ويشدو في شعور بعض :D

هو احنا ليه اصلا بنتعامل علي ان مصر وحب مصر يعني كورة وبس ؟؟؟

هو مينفعش نحبها حب لله في لله كدا من غير كورة ولا سيول ولا اضرار ولا حكومة حتي " ولآموأخذة "

http://www.ismailiamall.com/im/files/egypt-flag.jpg

أنا زعلانة 

وشايلة همـ اني مش هشوف علم بلدي متعلق في الشوارع تاني

وشايلة همـ اني مش هشوف الفرحة دي تاني الا بعد سنتين 

وشايلة همـ اني مش هحس بالحاجات الحلوة اللى حستها لمدة 4 شهور تاني 

http://www.ismailiamall.com/im/files/egypt-flag.jpg

يوووه

كفاية رغي بقي

بس بجد نفسي الحلم يطول شوية

او نغيره ونخليه في كل حاجة مش في الكورة بس

بــ .. ـس .. آهــى آحــلآمـ


يالا ...

آخر كلامي سلام



5 CoMeNTaToOoOoZ:

Eng.Tasneem Ali يقول...

طب هقولك حجه حلوه

اعملى بلكونتك كلها اعلام
هتلاقى الجيران عملت زيك
وصحابك وقرايبك وانا م الدلتا عامله كده

يبئى مصر كلها هتكون اعلام

بس مش دى المشكله ... المشكله ان كلامك نظريا حلو
تعالى عمليا بئه .... ازمه انابيب البوتوجاز
الصيادين اللى بتصطاد بره المياه الاقليميه
المهندسين الجلهله اللى حطوا اماكن القرى اللى على طريق شرم الشيخ و السيول نسفتها
تجار المخدرات اللى قتلوا ظابط وكتييييييييييير اوى
ومعندناش اكتر م الفساد :|
هى مش ازمه حب او كره للبلد ... هر ازمه ضمير
كل واحد محتاج يفكر ف مجتمع مش فرد

انا كمان بحب بلدى يمكن ادك يمكن اقل يمكن اكتر
بس فى حاجات اكبر منى ومنك

لما تلاقى الوكيل ف المدرسه الابتدائى مش عاوز يفرط ف مكانه كأنه لو اشتغل كويس و بئى ناظر الناس هتقوله يللى اشتغلت و يزلوه :S

احنا محتاجين حمله توصل للشعب كله مع بعضه
وعمرها ماهتوصل الا لو كل واحد راعى ضميره و راعى ربنا ف اللى بيعمله

أعــ مجنونة ــقل . يقول...

هى مش ازمه حب او كره للبلد ... هر ازمه ضمير
كل واحد محتاج يفكر ف مجتمع مش فرد

--------

احنا محتاجين حمله توصل للشعب كله مع بعضه
وعمرها ماهتوصل الا لو كل واحد راعى ضميره و راعى ربنا ف اللى بيعمله

" ولا يغير الله ما بقوم حتي يغيروا ما بأنفسهم "

ايدي علي ايديك ياتاسو

***

بمناسبة العلم .. ماما اقتنعت بفكرة انها تخلي ستارة البلكونة عبارة عن علم :d

بس يارب تنجز فيه بقي :d

المشكلة مش مشكلة اعلام .. علي ما تكون مشكلة حب يظهر ويبان في كل الاوقات مش وقت الماتشات وبس !!

Eng.Tasneem Ali يقول...

قولى يارب
والله انا نفسى نكون احسن بلد ف الدنيا
وعلفكره

على اد فرحتك بكاس افريقيا على اد زعلك على كاس العالم مش اننا مشاركناش

لالالا

ان هتلاقى شباب مصر كل يوم بيتخانقوا
اللى بيشجع ايطاليا و يراهن عليها واللى هيموت والمانيا تكسب والى واللى

وهستناكى ف 2012

fr0z3nh34rt يقول...

فى مقالة احمد حلمى كتابه كانت بتقول

يا ترى انا من انهى مصر فيهم؟ الفايزه الفرحانه المحروسه ..ولا المغلوبه الحزينه المكسوره من انهى شعب فيهم ؟
انا اللى فزت ولا اللى اتغلبت ..تصدق انا الاتنين !!

فا دلوقتى وقت الفايزه خلاص

وا رجع وقت مصر الحزينه

A32L MaGNoNa يقول...

انا كمان هستناكي في 2012

:(

ويا فرحتي بمصر وشبابها :(

إرسال تعليق



WelCome To

~ A32l MaGNoNa ~

About Me

صورتي
أع ـقل مـ ج ـنـونــة
بنت مصرية مجنونة بس بعقل وعاقلـة بس بجنان
عرض الملف الشخصي الكامل الخاص بي

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات