كله يسلم نفسه ^_^

المتابعون

مهم .. قبل ما تقرا شوف الكلام دا .. اعقلها و تـوكل !

* ممنوع السرقة والنسخ بدون ذكر المصدر باللينك !
وقبل ما عقلك يوزك .. شوف اللينك دا ( دوووس )

* ممكن لو غبت عنكم فترة أو عرفتم أن ربنا توفني / تدعولي / وتشوفو دا ( المــوت !! )





مع اول الأماكن اللى ليها مكانة كبيرة عندي

مع المكان اللى كنت بحس انه في وقت من الاوقات شخص
ايوة شخص بيحس بيا

لدرجة انـ ... :mellow:

طيب استنو اقولكو مين دا الاول :unsure:
المكان دا اللى بحبه هو

نهر النيــل



المكان اللى هو اصل مصر وشريان الحياة فيها
اللى قالت شيرين وهي بتتكلم عن مصر مشربتش من نيلها :D

انا شربت من نيلها

بس مش قصة مية :unsure:
لا قصة مكان :)

بحس بالراحة وانا ببصله بس

مكان اي نعم :unsure:

بس بحس انه بيحس بيا اوي

آه والله بحس انه بيحس بيا

[b]لما اكون فرحانة بلاقي ميته زرقا وبتجري وبترقص وعالية شوية :blush:

ولما بكون زعلانة بلاقيه هادددددددي .. وميته لونها غررريب .. :8hhr:

وكانه بيقولي مالك

مش هفرح الا لما تفرحي :noiom:



زمان من سنتين كدا

كنت بروح اتدرب في المتحف المصري

كان معادي هناك الساعة 9

كنت اروح من 8 وافضل قاعدة ادامه لوحدي مستنية اصحابي

ولما اكون متضايقة ابص عليه
واشعة الشمس بتضرب في المية بتدي لمعة جميلة بتتعكس عليا براحة شديدة .. او دموووع شديدة برده لما بكون متضايقة



لما بكون زعلانة من حاجة امشي وانا باصة عليه وبحكي كلام من جوايا

وبتخيل انه بيكلمني وبيرد عليا

مش جنااااااااان والله

بس حب للشئ لدرجة اني تخيلت الجماد بني آدم بيحس

بقالي كتير مش كلمته :(

بس لما بعدي بالعربية ادامه بحس اذا كان فرحان ولا زعلان وبالذات وقت ما بكون فرحانة او زعلانة


انهاردة كان فرحان اووي

عشان كدا افتكرته


عشان كدا قررت ان دا هايكون اول مكان في قلبي اتكلم عنه


وسوري ع الرغي الكتير ^_^
 

4 CoMeNTaToOoOoZ:

Tasneem ALi يقول...

جميل اوى حبك ليه :-)

حب برىء كده ملوش منفعه

لا بتحبيه عشان طمعانه ف سمكه ولا عشان يتوسطلك عند البحر ;)

أع ـقل مـ ج ـنـونــة يقول...

هههههه

لا والله حب برئ جدا جدا كمان

لدرجة اني مكنتش بشوف الزبالة اللى فيه من كتر حبي فيه :LOL:

منورة يا تاسو

^_^

كفايـة طيبـة يقول...

النيل ده قصة بجد

لو اتكتب كتب عن كمية المشاعر اللى بتجيلك وانتى ادامه مش هيخلص

احاسيس كتيييييير جدا لدرجة انك متعرفيش تبدأى بايه منهم

بجد جميل :)

أع ـقل مـ ج ـنـونــة يقول...

بالرغم ان النيل "زي ما قال عضو في الجمعاوية" المفروض يتسمي ترعة النيل مش نهر النيل
لكن بجد مهما كاااااان ومهما فيه بيفضل هو شريان الحياة والمشاعر والاحاسيس والرومانسية وكل حاجة حلوة

زي مقال هيرودوت " مصر هبة النيل " والجيل كمان :D

منورة جدا يامومو ياقمر

إرسال تعليق



WelCome To

~ A32l MaGNoNa ~

لايك ماي بيدج ع الفيس

ديلفري اعقل مجنونة

حط ميلك هتوصلك المواضيع لحد عندك ^_^:

Delivered by FeedBurner

أج ـمل مدونـات